This site is not complete. The work to converting the volumes of സര്‍വ്വവിജ്ഞാനകോശം is on progress. Please bear with us
Please contact webmastersiep@yahoo.com for any queries regarding this website.

Reading Problems? see Enabling Malayalam

കേരള സ്റ്റേറ്റ് ബിവറേജസ് കോര്‍പ്പറേഷന്‍

സര്‍വ്വവിജ്ഞാനകോശം സംരംഭത്തില്‍ നിന്ന്

കേരള സ്റ്റേറ്റ് ബിവറേജസ് കോര്‍പ്പറേഷന്‍

കലര്‍പ്പില്ലാത്ത മദ്യം മിതമായ വിലയില്‍ ഉപഭോക്താവിനു ലഭ്യമാക്കുക വഴി അനധികൃത മദ്യശാലകള്‍ വഴിയുള്ള വ്യാജമദ്യത്തിന്റെ വിതരണം തടയുക എന്ന ലക്ഷ്യത്തോടെ കേരള സര്‍ക്കാര്‍ സ്ഥാപിച്ചിട്ടുള്ള ഒരു സഹകരണപ്രസ്ഥാനം. 1984 ഫെ. 23-നാണ് കേരള സ്റ്റേറ്റ് ബിവറേജസ് കോര്‍പ്പറേഷന്‍ ലിമിറ്റഡ് നിലവില്‍ വന്നത്.

മദ്യവില്പന നിയന്ത്രണവിധേയമാക്കുന്നതു സംബന്ധിച്ച് കേരള സര്‍ക്കാര്‍ നിയോഗിച്ച ജുഡീഷ്യല്‍ കമ്മിഷന്റെ ശിപാര്‍ശകളുടെ അടിസ്ഥാനത്തിലാണ് കേരള സ്റ്റേറ്റ് ബിവറേജസ് കോര്‍പ്പറേഷന് രൂപം നല്കിയത്. മദ്യത്തിന്റെ നികുതി വര്‍ധിപ്പിച്ച് മദ്യത്തോടുള്ള ആകര്‍ഷണീയത കുറയ്ക്കുക, മദ്യവില്പനയിലെ ഇടനിലക്കാരെ ഒഴിവാക്കി ഗവണ്‍മെന്റ് ഏജന്‍സികള്‍ മുഖേന ഗുണമേന്മയുള്ള മദ്യം ഉപഭോക്താക്കളില്‍ എത്തിക്കുക എന്നിവയായിരുന്നു ജുഡീഷ്യല്‍ കമ്മിഷന്റെ പ്രധാന ശിപാര്‍ശകള്‍. തുടര്‍ന്ന് ഇവ നടപ്പാക്കുന്നതിനായി 1984-ല്‍ കേരള അബ്കാരി നിയമത്തില്‍ ഭേദഗതികള്‍ വരുത്തുകയും സ്പിരിറ്റ് ഉത്പാദനം, ബ്ലെന്‍ഡിങ്, ബോട്ടിലിങ്, സീലിങ്, വിതരണം എന്നിവയ്ക്കായി കെ.എസ്.ബി.സി. സ്ഥാപിക്കുകയും ചെയ്തു.

തിരുവനന്തപുരത്തെ ശാസ്തമംഗലത്താണ് കോര്‍പ്പറേഷന്റെ ആസ്ഥാനം പ്രവര്‍ത്തിക്കുന്നത്. വിവിധ ജില്ലകളിലായി 22 സംഭരണകേന്ദ്രങ്ങളും 388 വിതരണകേന്ദ്രങ്ങളും കോര്‍പ്പറേഷനുണ്ട്.

താളിന്റെ അനുബന്ധങ്ങള്‍
സ്വകാര്യതാളുകള്‍